Tüdeligkeiten an’n Frohstücksdisk

Erich un Tilda sitten an'n Frohstücksdisk. Erich is schon bannig tüdelig, Tilda daartegen noch vull plietsch.

Erich: „Güstern war ik bi Emma in ehr lütten Laden inkopen.“

Tilda: „Ja, ja. Nu tüdel nich rüm un iss dat Ei, bevör dat koolt warrt.“

Erich: „Du, Tilda, dar geevs Schohe, so von'n Designer in'n Angebood. All linke Schoh weren twee Nümmer kleener as de rechten. Un de wurren koept, as rappelkopppsk. De Kleenen wurrn sik bi'n Lopen wieden, seggt een Wiev, un de to groten wurrn heet wasken.“

Tilda: „Wat vertellst du dar blot för'n Tanterlatant!“

Erich: „Doch Tilda, un Emma had Kees ut Italien von'n Ramazotti. 100 Gramm för 180 Euro. De gung weg wo nix.“

Tilda: „Erich, du Töffel, de Emma-Laden hett doch lest Jahr dicht mookt.“

Erich: „Nee, Tilda, du deist di vergaloppiern. Vörhen heb ik doch noch de Krinthstuutjes un de Blaadje inkoopt un wat glöövst du woll, woher ik dat Paar Schohe un de Kees herhebb?“

Tilda folgt Erichs Kiekje un süht in de Deel een Paar ünnerscheedlich groot Schohe un op'n Schohskamnett een Knibbel Kees.

Anmerkung:

Übersetzungshilfe: (Plattdeutsch/ Hochdeutsch)

Erich und Tilda sitzen am Frühstückstisch. Erich ist schon mächtig tütelig, Tilda dagegen noch sehr plietsch.

Erich: „Gestern war ich bei Emma in ihrem lütten Laden einkaufen.“

Tilda: „Ja, ja. Nun tütel nicht rum und iss das Ei, bevor es kalt wird.“

Erich: „Du,Tilda, da gab es Schuhe, so vom Designer im Angebot. Alle linken Schuhe waren zwei Nummern kleiner als die rechten. Und die wurden gekauft, wie verrückt. Die Kleinen werden sich beim Laufen weiten, meinte eine Frau und die zu großen wäscht werden heiß gewaschen.“

Tilda: „Was erzählst du da nur für einen Blödsinn!“

Erich: „Doch Tilda, und Emma hatte Käse aus Italien von dem Ramazotti. 100 Gramm für 180 Euro. Die ging weg wie nix.“

Tilda: „Erich, du Dummkopf, der Emma-Laden hat doch letztes Jahr dicht gemacht.“

Erich: „Nein, Tilda, du irrst dich. Vorhin habe ich doch noch die Brötchen und Zeitung eingekauft und was glaubst du wohl, woher ich das Paar Schuhe und den Käse herhabe?“

Tilda folgt Erichs Blick und sieht in der Diele ein Paar unterschiedlich große Schuhe und auf dem Schuhschränkchen eine Ecke Käse liegen.